Almatyda halyqaralyq áýejaı keden beketinde jańa tekserý jabdyqtarynyń tanystyrylymy boldy
ALMATY. 28 jeltoqsan. QazAqparat /Názıra Eleýhan/ - Almatyda Halyqaralyq áýejaıy aýmaǵynda ornalasqan «Jetisý» keden beketinde ótken «Jýrnalıstik desant» sharasy barysynda
kedendik baqylaýdyń jańa tehnıkalyq quraldary - «Rapiscan» men «ıAntar» jabdyqtarynyń tanystyrylymy bolyp ótti.
«Qazirgi tańda Qazaqstan Respýblıkasynyń ekonomıkalyq damý qarqyny keden organdarynyń aldyna ıadrolyq zattardy jáne qos maqsatty taýarlardy kópshilikke taratpaý, esirtki trafıgimen kúresý, kedendik rásimdeý protsesin jedeldetý syndy mindetterdi qoıyp otyr. Osy sharalardy júzege asyrý maqsatynda halyqaralyq úlgidegi, sapaly kedendik baqylaý tehnıkalary alynýda. Bıyl QR Qarjy mınıstrligi men AQSh-tyń Energetıka mınıstrliginiń arasynda ıAdrolyq materıaldardy zańsyz tasymaldaýdyń aldyn alý aıasynda qoıylǵan yntymaqtasý týraly kelisimge baılanysty, «Jetisý» beketine 20 dana «ıAntar» jabdyǵy ornatyldy. Bul apparat - Qazaqstan Respýblıkasynyń keden shekarasy arqyly zańsyz ótkiziletin radıoaktıvti materıaldardy anyqtaýǵa arnalǵan»,-dedi tusaýkeser barysynda Almaty qalasy boıynsha Kedendik baqylaýdy uıymdastyrý basqarmasynyń bólim bastyǵy Aıdyn Myrzahanov.
Sondaı-aq beketke qoıylǵan 3 dana «Rapiscan» jabdyǵy 2011 jyly 13 maýsymda Kedendik baqylaý komıteti men «Injınırıng» JShS arasyndaǵy kelisimshart aıasynda alynǵan. «Bul «Rapiscan» jabdyǵy - kedendik baqylaýdyń barlyq jaǵdaılarynda qoldanylady, ol beta-ıondy sáýlesiniń gamma-skaneri, rentgenografııa jáne rentgenoskopııa ádisi arqyly jolaýshylardyń júkterin, memlekettik joldanatyn poshtalardy, sondaı-aq kishi, orta, úlken oramdary da tekserýge arnalǵan. Jabdyq esirtki, jarylǵysh, altyn-zergerlik buıymdardy jáne de basqa kontrabandalyq taýarlardy anyqtaı alady»,-deıdi ol.
Bunymen qatar, búgingi tańda «Jetisý» beketinde qaýipti zattardy anyqtaýǵa arnalǵan eki dana «IONSCAN SENTINEL II» zamanaýı jabdyǵy jumys isteıdi. Bul anyqtaý apparaty - «adamdardy basynan aıaǵyna deıin kóshirip alý» arqyly adamdardyń denesinde jarylǵysh nemese esirtki zattarynyń bar ekendigin tekserýsiz anyqtaýdy qamtamasyz etedi.
