Almatyda halyqaralyq áýe reısteri toqtady
QR DSM taýarlar men kórsetiletin qyzmetterdiń sapasy men qaýipsizdigin baqylaý komıtetiniń kóliktegi taýarlar men kórsetiletin qyzmetterdiń sapasy men qaýipsizdigin baqylaý departamentiniń qaýlysyna sáıkes, 1 sáýir saǵat 00.00-den bastap Almaty qalasynda jolaýshylardy tasymaldaıtyn halyqaralyq áýe reısteri toqtaıdy.
Bul Almaty qalasynyń turǵyndary arasynda COVID-19 ınfektsııasynyń odan ári taralýynyń aldyn alý jáne oǵan jol bermeý maqsatynda jasalyp otyr.
«Halyqaralyq Almaty Áýejaıy» AQ osy qaýlyny oryndaý úshin tıisti sharalar qabyldady. Onyń oryndalýyn baqylaý kóliktegi bas memlekettik sanıtar dárigerlerge júkteledi. Bul qaýly qol qoıylǵan kúninen bastap kúshine enedi.
Endi halyqaralyq jolaýshy reısteri 2020 jyldyń 1 sáýirinen bastap Qazaqstannyń basqa qalalaryna baǵyttalady.
Aıta ketý kerek, QR Prezıdenti janyndaǵy tótenshe jaǵdaıdy qamtamasyz etý boıynsha memlekettik komıssııanyń sheshimimen qalada qosymsha shekteýler qoıylyp jatyr. Almatyda karantın rejimi kúsheıdi.