Almatyda Halyqaralyq «Almaty týry 2014» velojarysy bastaldy (FOTO)
ALMATY. QazAqparat- Búgin Almatyda Halyqaralyq «Almaty týry 2014» 1.1 kategorııaly birkúndik tas joldyq velojarysy bastaldy.
Almaty qalasynyń ákimi Ahmetjan Esimov óz sózinde veloshabandozdardy bıylǵy týrǵa qatysyp jatqandaryna alǵysyn bildirip, olarǵa sáttilik tiledi. «Almaty týry» velojarysy bıyl ekinshi ret ótkizilip otyr. Halyqaralyq velosıpedshiler odaǵy bul týrdyń mártebesin 1.1 sanatyna kóterdi. Endi oǵan halyqaralyq kásipqoı komandalar qatysa alady. Bul sózsiz, jarystyń bedelin de, mártebesin de arttyra túsedi. Endi komandalar arasynda jarys barynsha tartysty bola túsedi degen senimdemin», - dedi A. Esimov.
«Nurly taý» bıznes ortalyǵynyń aldyndaǵy sórege jınalǵan komandalar tańǵy saǵat 10:00-de jarys jolyna shyqty. Olar 31 shaqyrymnan turatyn alty aınalymdy júrip ótedi. ıAǵnı, jarys jolynyń jalpy qashyqtyǵy 186 shaqyrym. Veloshabandozdar ál-Farabı dańǵyly boıymen batys baǵytta jarysa otyryp, Mustafın kóshesi tusyndaǵy aınalma jolmen keri burylyp shyǵysqa qaraı betteıdi. ál-Farabı dańǵylymen Shyǵys aınalma jolyna shyqqan veloshabandozdar Talǵar baǵyty tusynan aınalma jolmen keri burylady. Osy aınalymdy olar alty ret aınalady. Máre syzyǵy - «Nurly taý» bıznes ortalyǵynyń aldy (ál-Farabı dańǵyly men Panfılov kóshesiniń qıylysy).
