Almatyda halyqaralyq «Almaty Film Festival» kınofestıvali ótedi
ALMATY. QazAqparat - Almatyda alǵash ret «Almaty Film Festival» kınofestıvali ótedi. Bul týraly qala ákimdigi baspasózi málim etti, dep habarlaıdy QazAqparat tilshisi.
15-19 qyrkúıekte ótetin halyqaralyq «Almaty Film Festival» kınofestıvaliniń prezıdenti - otandyq rejısser Aqan Sataev. Kınofestıvaldiń ashylý saltanatynda otandyq jáne álemdik kınoındýstrııa juldyzdary «qyzyl kilem» ústimen júrip ótpek.
Qala ákimdigi baspasóziniń málimdeýinshe, «Almaty Film Festival» - kınomatografısterdiń halyqaralyq yntymaǵyn damytatyn jáne Almatyǵa halyqaralyq jobalardy tartatyn mádenı joba.
«Konkýrstyń basty taqyryby - «Mádenıetti jaqyndatý». Shara kezinde halyqaralyq kınofestıvalderge qatysqan 2018 jyldyń kınokartınalary kórsetiledi. Konkýrsqa eki jáne odan da kóp jyl seriktes bolǵan elderdiń birlesip túsirgen fılmderi jiberiledi. Konkýrs fılmderi «Gran-prı», «Úzdik rejısserlik jumys úshin», «Úzdik erkek róli úshin», «Úzdik áıel róli úshin», «Jıýrıdiń arnaıy júldesi» ataýlarymen marapattalady», - dep málim etti ákimdik baspasózinen.
Sondaı-aq, qonaqtar arasynda jáne jıýrı quramynda halyqaralyq jáne jergilikti assotsıatsııalardyń, dıstrıbıýterlik medıa kompanııalardyń álemdik kınokompanııalardyń ókilderi, qoǵam qaıratkerleri, Qazaqstandyq artıster men rejısserlar bolady.
