Almatyda halyqaralyq aqparat agenttikteri týraly trenıng ótedi
ALMATY. 1 qazan. QazAqparat /Erlik Erjanuly/ - Almatyda 13-14 qazanda "Halyqaralyq aqparat agenttikteri úshin maqalany qalaı jazý kerek. Synalǵan aqparattarmen oqyrman nazaryn aýdarý strategııasy" degen taqyrypta trenıng bolady.
Ony Soǵys jáne beıbitshilik reportajdary ınstıtýtynyń (IWPR) Qazaqstandaǵy ókildigi uıymdastyryp otyr. Trenıng jýrnalıstıkanyń halyqaralyq standarttary týraly jalpy túsinik berýge jáne qazirgi tańda álemniń ózge elderindegi jýrnalıstermen yntymaqtastyqta jumys jasaıtyn buqaralyq aqparat quraldarynyń jumysynan maǵlumat berýge arnalǵan. Onyń jumysy qazaqstandyq jáne sheteldik jýrnalısterdiń tájirıbelik mysaldaryn qarastyrýǵa qurylǵan. Oǵan Soǵys jáne beıbitshilik reportajdary ınstıtýtynyń Qyrǵyzstandaǵy aımaqtyq redaktory Dına Toqbaeva men Qazaqstandaǵy redaktory Almaz Ryslıev jetekshilik etpek.
