Almatyda halyq tyǵyzdyǵy kartasy jasaldy

ALMATY. QazAqparat- Almaty qalalyq Tsıfrlandyrý basqarmasy derekterdi biryńǵaı saqtaýdyń jumys quraly – IT-jınaǵyshty iske qosady. Bul týraly brıfıng barysynda basqarma basshysy Baıan Qońyrbaev aıtyp berdi, dep habarlaıdy QazAqparat tilshisi.

Spıkerdiń sózinshe, sandyq karta – derekterdi vızýalızatsııalaýdyń eń tanymal quralynyń biri.

Eske salsaq, Almaty qalasynyń biryńǵaı derekter bazasy memlekettik organdarǵa, kommertsııalyq kompanııalarǵa, sarapshylyq qoǵamdastyqtarǵa jáne akademııalyq ınstıtýttarǵa ózara tıimdi negizde ıesizdendirilgen derektermen almasýǵa múmkindik beretin ashyq tıptegi IT platforma retinde qurylǵan.

«Biz barlyq uıymdardyń derekterdi biryńǵaı saqtaýdyń platformasynda almasý úshin jetkilikti derekter kólemi joq ekenin túsinemiz, sondyqtan IT jınaǵyshty iske qosamyz, sonda barlyq tilek bildirýshiler qalanyń keıbir negizgi derekterin kóre alady», - dedi Baıan Qońyrbaev.

IT- jınaǵyshty iske asyrýdyń alǵashqy qadamy halyqtyń tyǵyzdyǵy kartasy boldy. Ol ár túrli jas sanattary boıynsha Almatyda 300-den 300 metrge deıingi sharshy metrde tirkelgen turǵyndardyń sanyn kórsetedi: 16 jasqa deıin, 16-25, 26-35, 36-45, 46-55, 56-65 jáne 65 jastan asqan. Ázirleýshilerdiń aıtýynsha, karta jasaý úshin resmı memlekettik statıstıka qoldanylǵan.

Baıan Qońyrbaev atap ótkendeı, karta túrinde usynylǵan osyndaı demografııa málimetteri – qalanyń naqty aýdanynda maqsatty aýdıtorııany anyqtaý boıynsha bıznes úshin jaqsy demeý. Eshqandaı basqa qoldanýshy nemese jeke derekter paıdalanylmaıdy. Bul salalyq sarapshylar, zertteýshiler jáne stýdentter úshin jedel taldaýdyń kórneki aqparat kózi. Bıznes bul úshin paıdaly chıpterdi de tabady. Sondaı-aq, osy kartanyń arqasynda almatylyqtar halyq sany boıynsha eń qolaıly shaǵyn aýdandy tańdaı alady.

Mysaly, digital-almaty.kz saıtynda «Almaty qalasynyń derekteri» bazasynda COVID-19 pandemııasyna baılanysty derekter ornalastyrylǵan, qala boıynsha adamdardyń jınalýy men kóshi-qonynyń jylý kartalary bar, uıaly baılanys abonentteriniń 103, 1308 nómirlerine belsendiligin kórýge bolady.

Biryńǵaı derekter bazasy jobasynyń menedjeri Aıda Dármenova barlyq múddeli aıtıshnıkterge halyq tyǵyzdyǵy kartasynyń negizin quraıtyn óz ıdeıalarymen bólisýdi nemese karta derekterin paıdalana otyryp, qalanyń paıdasyna joba ázirleýdi usyndy.