Almatyda halyq sanaǵyna tartylǵan qyzmetkerler qoǵamdyq kólikte tegin júredi
«Sanaq paraqtaryna engizilgen suraqtar tizbesi ótken sanaqqa qaraǵanda keńeıtilip, 67 negizgi suraq pen 20 janama suraqtan turady. Suraqtar Eýropalyq statıstterdiń usynystaryna sáıkes jasaldy», - dedi ol.
Onyń aıtýynsha, halyq sanaǵyn ótkizýge bilim deńgeıine qaramastan Qazaqstan Respýblıkasynyń kez kelgen nıet bildirgen azamaty qatysa alady.
Statıstıka departamenti sanaq qyzmetkerlerin tolyq emes jumysqa qabyldaýǵa daıyn.
Nıet bildirýshiler Abaı kóshesi, 125 mekenjaıynda kadr qyzmetine júgine alady.
«Ázirge biz bastapqy sanaq qyzmetkerlerin tańdadyq. Qazan aıynda bizge 2 myńnan astam ıntervıýer qajet bolady, sondaı-aq bizge rezervshiler qajet. Barlyq tartylǵan sanaq qyzmetkerleri Almaty qalasynyń qoǵamdyq kóliginde tegin jol júredi», - dedi Aıdar Ábildabekov.
Almaty qalasy boıynsha Statıstıka departamenti megapolıs turǵyndaryn sanaq naýqanyna túsinistikpen qaraýǵa shaqyrdy.
Yńǵaıly bolý úshin sanaq paraqtaryn onlaın rejımde toltyrýǵa bolady.
