Almatyda halyq KVI juqtyratyn negizgi oryndar - dúken-bazarlar men avtobýs

ALMATY. QazAqparat - Almaty qalasy sanıtarlyq-epıdemıologııalyq baqylaý departamentiniń basshysy Jandarbek Bekshın turǵyndardy ózara baılanysty shekteýge shaqyrdy, dep habarlaıdy QazAqparat.

Óńirlik kommýnıkatsııalar qyzmetinde ótken baspasóz konferentsııasynda spıker dert juqtyratyn yqtımal oryndar - saýda nysandary, otbasylyq baılanys jáne qoǵamdyq kólik ekenin aıtty.

J. Bekshın ınfektsııa juqtyrý epıdemıologııadaǵy standartty kórsetkishke qatysty ekenin atap ótti. Al bul karantın sharalarynyń tıimdiligin baǵalaýǵa múmkindik beredi.

Sońǵy 7 kúnde Almatyda KVI juqtyratyn negizgi oryndar mynalar: saýda nysandarynda – 35%, otbasylardaǵy baılanystar – 19%, qoǵamdyq kólikte qatynaý – 16%, bazarlar - 14%, saıabaq pen halyqtyń demalatyn jaıaý júrginshiler kósheleri – 3,6% boldy.

Sonymen qatar ınfektsııanyń naqty oryndary anyqtaldy. Sońǵy aptada týystarmen jáne kórshilermen baılanys kezinde KVI ınfektsııasy 0,2–0,4% ósti.

Azyq-túlik satpaıtyn dúkenderde – 0,1% jáne qoǵamdyq tamaqtaný nysandarynda, meıramhanalarda, dámhana men ashanalarda – 0,2%, monsha men saýnalarda – 0,4% óskeni baıqaldy.

«Ashyq jobasyna qatysýshy nysandarǵa barý kezinde juqtyrǵandardyń úles salmaǵy 106-dan 186 adamǵa deıin artty, bul olardyń kireberistegi kelýshilerdi baqylaý jumysyn kýálandyrady. Jobaǵa degen osyndaı kózqaras HQO-da 16 adamdy, saýnalarda, basseın men fıtnes-ortalyqtarda 11 adamdy, meıramhanalarda, kafelerde 8 qala turǵynyn jáne banket zaldarynda 5 adamdy anyqtady», – dedi J. Bekshın.

Megapolıstiń bas sanıtar dárigeri almatylyqtardan mindetti túrde betperde taǵý, jumys bólmesin, úı-jaılardy únemi jeldetip otyrý, adam kóp jınalatyn oryndarǵa barmaýdy ótindi.

Infektsııa kúdigi týyndaǵan jaǵdaıda birden dárigerdiń kómegine júginip, basqa adamdarǵa juqtyrmas úshin shekteý sharalaryn saqtaý qajet.