Almatyda «Halyq» dep atalatyn sporttyq jańa oıyn-saýyq kesheni ashyldy
ALMATY. 1 qazan. QazAqparat - /Erlik Erjanuly/ - Búgin Almatyda Alataý aýdanyndaǵy «Trýdovık» móltek aýdanynda Boraldaı saq qorǵanyna jaqyn mańda «Halyq» dep atalatyn sporttyq oıny-saýyq ortalyǵy ashyldy. «Úsh jyl buryn Alataý aýdany ashylǵan kezde «Jańa Alataý» qoǵamdyq qory qurylǵan edi.
Kásipkerler men eńbek ujymdary Elbasynyń bastamasyn qoldap, aýdandy damytýǵa belsendi túrde atsalysty. Búgin tusaýyn kesip otyrǵan jańa ortalyq osy qordyń qoldaýmen salyndy», - dedi qala ákimi Ahmetjan Esimov. A.Smaǵululynyń aıtýynsha, 3 jyldyń ishinde Alataý aýdanynda 3 mektep, 4 balabaqsha, 5 memlekettik organdardyń ǵımarattary jáne sport mektep-ınternaty men emhana salyndy. Sondaı-aq 117 shaqyrymdyq gaz qubyry, 155 shaqyrymdyq elektr jelisi tartylyp, 10 shaqyrym jol asfaltteldi. Josparlanǵan kóp qabatty 112 úıdiń bıyl jyl aıaǵyna deıin 56-sy paıdalanýǵa berilmek.
Jańa sporttyq oıyn-saýyq ortalyǵynyń jalpy aýmaǵy 3,1 gektar. Onda fýtboldan 2 jattyǵý jáne 1 oıyn alańy, voleıbol men basketbol alańqaılary bar. Bul sport alańdarynda búgin qala ákiminiń kýbogi úshin jastar arasynda fýtboldan, voleıboldan, basketboldan týrnır uıymdastyrylyp, Qazaqstan estrada artısteriniń qatysýymen kontserttik baǵdarlama qoıylýda.
