Almatyda «Halyq barysy» týrnıri ekinshi ret ótedi

NUR-SULTAN. QazAqparat - 26 mamyrda Almatydaǵy «Suńqar» shańǵy tramplıni halyqaralyq kesheni arenasynda ulttyq kúres - beldesýden ekinshi respýblıkalyq týrnır ótedi. «Halyq barysy-2019» ataǵy úshin myńnan astam sportshy beldesetin bolady, dep habarlaıdy QazAqparat tilshisi.

Týrnırdiń jalpy júlde qory - 20 mln teńge. Jarysqa 18 ben 50 jas aralyǵyndaǵy kez kelgen azamat qatysa alady. Mindetti shart - árbir qatysýshynyń salmaǵy 70 keliden asýy tıis.

Beldesýler Qazaq kúresi respýblıkalyq federatsııasy bekitken erejege sáıkes ótedi.

Týrnır ulttyq sport túrleriniń tanymaldyǵyn arttyrý jáne oǵan jastardy baýlý maqsatynda «Rýhanı jańǵyrý» baǵdarlamasyn júzege asyrý aıasynda uıymdastyrylyp otyr.