Almatyda halyq aqyny Nurpeıis Baıǵanınniń 150 jyldyǵyna arnalǵan dóńgelek ústel uıymdastyryldy
ALMATY. Qazannyń 27-si. QazAqparat /Erbol Turymbetov/ - Keshe M. Áýezov atyndaǵy murajaı-úıinde «Nurpeıis Baıǵanın jáne halyq poezııasy» atty dóńgelek ústel bolyp ótti.
Shara aqynnyń 150 jyldyǵyna arnaldy. Onda elimizge tanymal ǵalymdar, mádenıettanýshylar men jazýshylar N. Baıǵanın shyǵarmashylyǵyn talqylap, tereń mánin ashýǵa tyrysty. Dóńgelek ústelge elordadan arnaıy kelgen Eýrazııa ulttyq ýnıversıtetiniń professory Serik Negımov jyraý shyǵarmashylyǵyn joǵary baǵalaı kelip, ashylmaǵan qyrlary áli de bar ekenine toqtaldy. Onyń pikirinshe, jyraý shyǵarmashylyǵy áli de tolyqqandy zertteýlerdi qajet etedi.
Basqosýǵa halyq aqynynyń nemeresi Erbolat Baıǵanın de qatysty. Sonymen qatar Qurmanǵazy atyndaǵy ulttyq konservatorııanyń oqytýshysy, dástúrli án óneriniń sheberi Sáýle Janpeıisova óziniń birneshe shákirtterimen kelip, jyraýdyń «Narǵyz», «Halyq ıgiligi» atty shyǵarmalaryn oryndady.
