Almatyda habar-osharsyz ketken kishkentaı qyz aman tabyldy
ALMATY. QazAqparat - Almaty polıtsııasy joǵalyp ketken 8 jastaǵy Bella Mıronovanyń tabylǵanyn málim etti, dep habarlaıdy QazAqparat tilshisi.
«Oqýshy qyz Bostandyq aýdany aýmaǵynan aman-esen tabyldy. Ol qydyryp júrgen. Onyń mektep sómkesi mektep janyndaǵy turǵyn úıdiń aýlasynan tabyldy. Balany aman-esen ata-anasyna tabystadyq»,- dedi Almaty qalalyq polıtsııa departamentiniń resmı ókili Saltanat Ázirbek.
Aıta keteıik, oqýshy qyzdyń joǵalǵany týraly aqparat WhatsApp jelisi arqyly tarap jatyr.
Habarlamada kishkentaı qyzdyń № 34 orta mektepte oqıtyny jazylǵan.
26 sáýir kúni belgisiz baǵytta ketken qyzdyń ata-anasy polıtsııaǵa júgingen.
Oqýshyny izdeýge ýchaskelik ınspektorlar, ıývenaldyq polıtseıler, jedel ýákilder men basqa da qyzmetterdiń qyzmetkerleri jumyldyryldy.
