Almatyda ǵylymnyń ınnovatsııalyq damýy týraly jas ǵalymdardyń halyqaralyq konferentsııasy ótip jatyr
Máslıhat barysynda «Jas ǵalymdardyń eń úzdik Keńesi» jeńimpazdary marapattalyp, TMD elderi jas ǵalymdary keńesterimen yntymaqtastyq týraly memorandýmdarǵa qol qoıyldy. Sondaı-aq Innovatsııalyq tehnologııalar, mýltımedııa jáne telekommýnıkatsııalar kórmesi ashyldy.
«2008 jyldan beri 44 jas ǵalym túrli zertteýler boıynsha jáne 39-y halyqaralyq forýmdarǵa qatysyp, tájirıbeden ótýge granttar alsa, 29-y QR Tuńǵysh Prezıdenti qory syılyǵynyń laýreaty atandy. Sondaı-aq aǵymdaǵy jyly QR UǴA-nyń múshe-korrespondentine saılaýǵa bizdiń qordyń 4 laýreaty qatysty», - deıdi QR Tuńǵysh Prezıdenti qorynyń atqarýshy dırektory Saǵyndyq Nurahanov. Onyń aıtýynsha, konferentsııa baǵdarlamasynda «Qazaqstandaǵy tabysty bıznes» dep atalatyn dóńgelek ústel jıyny men «Qoǵamdyq-gýmanıtarlyq ǵylymdar», «Jaratylystaný-tehnıkalyq ǵylymdar» sektsııalary jáne Jas ǵalymdardyń, áleýmettanýshylar men saıasattanýshylardyń kúzgi sessııasy josparlanyp otyr.
