Almatyda ǵylymı zertteý joǵary oqý oryndaryn engizý tájrıbesine arnalǵan semınar ótti
ALMATY. 28 aqpan. QazAqparat /Erbol Azanbek/ - Búgin Almatyda Ulybrıtanııalyq sarapshylar «Ǵylymı zertteý joǵary oqý oryndary (JOO) jáne ınnovatsııa - brıtandyq tájirıbeniń Qazaqstanda qoldanýdyń múmkindigi» taqyrybynda joǵary oqý oryndarynyń rektorlary men prorektorlaryna arnalǵan semınar ótkizdi.
Atalǵan sharany British Council jáne ál-Farabı atyndaǵy Qazaq Ulttyq ýnıversıteti, Qazaqstan Respýblıkasynyń Bilim jáne ǵylym mınıstrliginiń qoldaýymen uıymdastyrdy.
Semınar qazaqstandyq joǵary oqý oryndarynda zertteý úlgilerin jáne ınnovatsııalardy eńgizýdiń óte tıimdi strategııalarynyń talqylaýyna, transfer tehnologııalardyń negizgi qaǵıdalarymen tanysý, sonymen qatar qazaqstandyq jáne brıtandyq mamandardyń arasyndaǵy tájirıbe almasýǵa baǵyttalǵan. Semınardy QS World University Rankings reıtıng agenttiginiń aımaqtyq dırektory Zoıa Zaıtseva jáne Middlesex ýnıversıtetiniń bilimder jáne kásibı damytýynyń transfer departamentiniń dırektory, joǵary oqý oryndarynda ǵylymı zertteý ortalyqtaryn engizý sarapshysy doktor Mark Greı ótkizdi.
Qatysýshylar semınar barysynda Ulybrıtanııadaǵy bastaýysh zertteý joǵary oqý oryndarynyń qalyptasýy, zertteýlerdi jáne ınnovatsııalardy basqarý mehanızmderi, sonymen birge brıtandyq «bilim bazasynyń» ınnovatsııalyq mádenıeti týraly málimet aldy. Sondaı-aq, dúnıejúzilik reıtıng agenttikteriniń qoldanylatyn belgileri jáne joǵary oqý oryndarynda ǵylymı zertteýlerdi ótkizýdiń mańyzy jeke sessııasynda talqylanady.
«Jas Qazaqstan memleketiniń basqa elderdiń, sonyń ishinde Ulybrıtanııanyń, tájirıbesin talqylaýǵa jáne zertteý joǵary oqý oryndaryna kóshý eń laıyqty úlgisin tańdaýǵa zor múmkindigi bar. British Council jáne ál-Farabı atyndaǵy Qazaq Ulttyq ýnıversıteti uıymdastyrylǵan semınarlar qazaqstandyq joǵary oqý oryndarynyń joǵarǵy basshylyq býyny úshin kádege asatynyn jáne joǵary bilim salasynda qazaqstandyq - brıtandyq baılanystardy ary qaraı kúsheıtýlerine qyzmet etetininen úmittenemiz»,-deıdi semınar týraly doktor Mark Greı.
Semınar naýryzdyń 2-3 kúnderi jalǵasady.
