Almatyda «Ǵylym ordasy» kásipornynyń bas dırektory 4 jylǵa sottaldy

ALMATY. QazAqparat – Almatyda «Ǵylym ordasy» respýblıkalyq memlekettik kásipornynyń bas dırektory para alǵany úshin 4 jylǵa bas bostandyǵynan aıryldy.
None
None

Bul týraly QR Sybaılas jemqorlyqqa qarsy is-qımyl agenttiginen málimdedi, dep habarlaıdy QazAqparat tilshisi.

Іs materıaldaryna sáıkes, QR Bilim jáne ǵylym mınıstrliginiń Ǵylym komıteti «Ǵylym ordasy» RMK bas dırektory B.Tóltaev ǵımarat ishinde túsirilim alańyn jalǵa bergende para alǵan.

Medeý aýdandyq soty 2020 jyldyń 20 shildesinde Tóltaevty 4 jylǵa bas bostandyǵynan aıyrý týraly úkim shyǵardy.

«Onymen birge mekemeniń býhgalterlik esep jáne qarjy-ekonomıka qyzmeti bóliminiń bas ekonomısi A.Asylbaev 2 jylǵa sottaldy. Bólimniń bas esepshisi A.Abdýllına 1,6 mln teńge kóleminde aıyppul tóleıtin boldy. Bul tulǵalardyń barlyǵyna memlekettik qyzmetke jumysqa turýǵa tyıym salyndy», - dedi QR Sybaılas jemqorlyqqa qarsy is-qımyl agenttigi birinshi departamentiniń tergeýshisi Qaısar Barjaqsynov.

Munyń aldynda agenttik atalǵan mekeme bas dırektor men qyzmetshileriniń ǵımaratty eshbir kelisimshartsyz jalǵa berýmen aınalysyp júrgenin jarııalaǵan bolatyn.


Сейчас читают