Almatyda «Gúlder. Landshaft jáne úı irgesindegi sharýashylyq-2010» atty kórme ashyldy
/strong>Sáýirdiń 15-i. QazAqparat /Názıra Eleýhan/ - Búgin Almatyda qala ákimdiginiń qoldaýymen dástúrli «Gúlder. Landshaft. Úı irgesindegi sharýashylyq - 2010» atty halyqaralyq gúlder kórmesi ashyldy,
dep habarlaıdy QazAqparat.
«KazEkspoServıs» kompanııasynyń uıymdastyrýymen 13-shi ret ashylǵan kórmege baý-baqsha ortalyqtary, landshaft dızaınymen, kógaldandyrý jumystarymen aınalysatyn, gúl salasyn tereń ıgergen Frantsııa, Qytaı, Qyrǵyzstan, Reseı, Qazaqstan, Ekvador, Brazılııa jáne Ózbekstan elderiniń kompanııalary, hımııalyq qosyndylar men tyńaıtqyshtar shyǵaratyn, baqshaǵa qajetti qural-jabdyqtardy ákeletin, úıge qajetti taýarlardy satatyn, kóshe jaryqtaryn qoıýmen aınalysatyn 90-nan asa kompanııalar qatysýda.
Kórmeni Tabıǵı resýrstar jáne tabıǵatty paıdalanýdy retteý basqarmasy bastyǵynyń orynbasary Murat Batyrbaev ashyp, qala ákimi Ahmetjan Esimovtyń quttyqtaýyn oqydy. Onda: «Bizdiń qala shyn máninde Respýblıka qalalarynyń ishindegi jasyl qalalardyń biri bolyp sanalady, biraq biz jetistikterdi qanaǵat tutpaýymyz kerek. Qazirgi zamanǵy tehnologııalardy, landshaftyq sheshimderdi engizý, jasyl jelekterdiń kólemin ulǵaıtý, jańadan saıabaqtar men baqtar ashý - bular mańyzdy strategııalyq baǵyttar. Bul saladaǵy dızaınerler, ekologtar, gúl ósirýshiler, baý-baqsha mamandaryn biriktirip qana qoımaı, ózara tıimdi áriptestikke shaqyryp, qalamyzdyń budan ári gúldenýine septigin tıgizedi degen oıdamyn. Kórmeni uıymdastyrýshylarǵa, qatysýshylarǵa jáne kórmege kelýshilerge kúsh-qýat, tózimdilik, eńbekqorlyq jáne sáttilik tileımin!», delingen.
Kórme baǵdarlamasy aıasynda «Naýryz» taqyrybyna arnalǵan balalar sýretteriniń baıqaýy jáne «Kóktemgi sımfonııa» atty bólme gúlderinen jasalynǵan kompozıtsııa baıqaýy ótedi. Jeńimpazdar baǵaly syılyqtarmen marapattalady.
Kórme sáýirdiń 19-na deıin deıin jalǵasady.
