Almatyda gúl ósirýshi mamandardyń arasynda ótetin baıqaý jeńimpazdary anyqtaldy
Y. Jeltoqsannyń 2-si. QazAqparat /Názıra Eleýhan/ - Almatyda «Ertegi gúlzar - 2009» atty gúl ósirýshi mamandardyń arasynda ótetin qalalyq baıqaý jeńimpazdaryn marapattaý rásimi ótti,
dep habarlaıdy QazAqparat.
«Galantýs» klýby men qalamyzdaǵy eń iri «Orman ertegisi» pıtomnıginiń uıymdastyrýymen ótken dástúrli baıqaý bıyl 10-shy ret ótkizilip otyr. Landshaftyq dızaın boıynsha saralanatyn baıqaýǵa 11-den asa dızaınerler qatysqan. 37 adamnan turatyn qazylar alqasy «Eń úzdik botanıkalyq gúlzar», «Baqshadaǵy kólshik», «Tasty qoldana otyryp jasaǵan gúlzar» atalymdary boıynsha jeńimpazdardy anyqtady. Júldeli oryndardy «Galantýs» klýbynyń gúl baptaýshy dızaınerleri ıelendi. Marapattaý rásimine gúl ósirýmen qatar, landshaftyq dızaınmen aınalysatyn 70-ten asa kompanııalar men klýbtar, fırmalar men áýesqoı dızaınerler qatysty.
«Baıqaýdyń maqsaty elimizdegi gúl ósirý sharýashylyǵyn damytý, jas dızaınerlerdi qatarymyzǵa tartý, sheberlikterin shyńdaý bolyp tabylady. Men osyndaı sharalar kóp, ári jıi ótkizilip tursa deımin. Búgingi keshke ádemilikti baǵalaıtyn, gúlderge degen mahabbaty ortaq gúl ósirý sharýashylyǵymen aınalysatyn mamandar jınalyp otyr. Bárimiz bas qosyp, qaýymdastyq qurýdy josparlap otyrmyz. Birigip qalamyzdy kógaldandyrýǵa, ajarly qala jasaýǵa at salysqymyz keledi», dedi «Galantýs» klýbynyń tóraıymy Natalıa Vaganova.
