Almatyda grepplıngten Azııa jáne Okeanııa chempıonaty bastaldy
ALMATY. QazAqparat - Almatyda Arlan Grip Selection halyqaralyq týrnıri aıasynda áýesqoılar men tájirıbeli sportshylar arasynda grepplıngten Azııa jáne Okeanııa chempıonatynyń jalaýy jelbiredi. Bul týraly Almaty aqparat ortalyǵyna silteme jasap, QazAqparat habarlaıdy.
Azııa jáne Okeanııa chempıonaty osymen Almatyda ekinshi ret ótip jatyr. Alǵashqy ret jarys 2016 jyly uıymdastyrylǵan. Oǵan álemniń úzdik sportshylary qatysqan bolatyn.
Búgin, jarystyń birinshi kúninde Qazaqstan, Avstralııa, Malaızııa, Japonııa, Qyrǵyzstan memleketterinen kelgen 50-den astam eresek tájirıbeli grepplerler kúsh synasty. Saıystar 5 salmaq dárejesi boıynsha ótkizildi.
Chempıonattyń ashylý saltanatynda Halyqaralyq áýesqoı grepplıng qaýymdastyǵynyń prezıdenti Arlan Shabdarbaev pen arnaıy kelgen qonaq, álem sportynyń ańyzy Hıgan Machado sóz sóılep, qatysýshylarǵa sáttilik tiledi.
Qazaqstan namysyn bul jarysta tek almatylyq sportshylar emes, ózge óńirlerden kelgen grepplerler de qorǵady. Jarys qorytyndysy boıynsha, 4 salmaq dárejesinde qazaqstandyq sportshylar jeńimpaz atandy. Olar - Narıman Myńbaev (65,9 kg), Omar Mannarov (76.9 kg), Ramazan Qusaıynov (98,9 kg) jáne Mansur Makmahanov (+99 kg). Al, 87,9 keli salmaq dárejesinde birinshi oryndy aýstralııalyq Benjamın Hodkınson utyp aldy.
- Bul chempıonatqa tyńǵylyqty daıyndaldym. Barlyǵy sátti ótti. Alǵan jaraqatyma qaramastan, birinshi oryndy jeńip aldym. Qarsylastarym osal sportshylar emes. Endi osy beseýimizdiń bireýine aldaǵy ýaqytta álem chempıonatyna shaqyrtý kelý kerek. Kútemiz, - dedi jeńimpazdardyń biri Omar Mannarov.
Aıta keter jaıt, búgingi chempıonattyń jeńimpazdary 2019 jyly AQSh-ta ótetin álem chemponatyna joldama alady, sonymen qatar, olar aqshalaı syılyqtarǵa ıe boldy. Barlyq jeńimpazdar men júldegerler arnaıy Arlan Grip medalin ıelendi. Bul jarys eki kún boıy ABB Arena-da jalǵasady. Erteń, 18-den asqan eresekter men áıelder AIGA (áýesqoılar) boıynsha synǵa túsedi.
Eske sala keteıik, grepplıngten álem chempıonaty eki jylda bir ret ótkiziledi.
