Almatyda grek-rım kúresinen Shámil Serikovti eske túsirýge arnalǵan respýblıkalyq ashyq týrnır ótýde
ALMATY. 2 jeltoqsan. QazAqparat - Almatyda grek-rım kúresinen 1993-1995 jylǵy jastar arasynda Olımpıada chempıony, 2 dúrkin Álem chempıony, KSRO-nyń eńbek sińirgen sport sheberi, «Qurmet belgisi» ordeniniń ıegeri Shámil Serikovti eske túsirýge arnalǵan respýblıkalyq týrnır ótip jatyr.
Jarystyń alǵashqy kúni 50,60, 74 jáne 96 kelidegi balýandar beldesti. Al búgin 50, 66, 84 jáne 120 kelidegi sportshylar qóz baǵyn synaıdy.
1956 jyly 5 naýryzda Almatyda dúnıege kelgen Shámil Kerimuly 1989 jyly 22 qarasha kúni týǵan qalasynda dúnıe salǵan bolatyn. 6 jastan bastap grek-rım kúresimen aınalysqan ol Aıanbek Aldabergenovten tálim alǵan 6 jyldyń ishinde 4 ret Qazaqstan chempıony atanyp, Búkilodaqtyq oqýshylar spartakıadasynyń jeńimpazy atanady. Odan keıin bapkeriniń basqa qalaǵa aýysýyna baılanysty Aleksandr Jarkovtyń qol astyna aýysqan Shámil 1 jyldan keıin Ivan Poddýbnyı memorıalynda Álem jáne Olımpıada chempıony Vıtalıı Konstantınovty jeńip, sport súıer qaýymdy eleń etkizedi. Al 1978 jyly KSRO chempıonatynda jeńimpaz atanyp, Meksıkanyń Mehıko qalasynda bolǵan Álem chempıonatynda da qarsylas shaq keltirmeıdi. Odan keıin 1979 jyly AQSh-tyń San-Dıego qalasynda ótken Álem chempıonatynda 2 dúrkin chempıon atanyp, 1980 jyly Máskeý Olıpıadasynda top jarady.
