Almatyda grek-rım kúresinen halyqaralyq týrnır ótedi
ALMATY. Qazannyń 22-si. QazAqparat /Erbol Turymbetov/ - Qazannyń 23-24-i aralyǵynda Respýblıkalyq sport kolledjinde grek-rım kúresinen Olımpıada chempıony,
eki márte Álem jáne Eýropa chempıony Shámil Serikovty eske alý aıasynda grek-rım kúresinen jastar arasyndaǵy halyqaralyq týrnır ótedi.
Halyqaralyq kúres týrnırin QR Týrızm jáne sport mınıstrligi QR Prezıdenti apparatynyń tapsyrmasy boıynsha uıymdastyryp otyr. Oǵan Reseı, Qyrǵyzstan, Ózbekstan jáne basqa da alys-jaqyn shetelderdiń sport komandalary qatysady dep kútilýde.
Atalmysh týrnır 2008 jyldan beri dástúrli túrde uıymdastyrylyp keledi. Budan buryn 2 jyl qatarynan Qapshaǵaı qalasynda ótip kelgen jarys bıyl Respýblıkalyq sport kolledjine aýystyryldy. Báseke 8 salmaq dárejesi boıynsha ótedi.
Bul aıtýly dodada sonymen birge, aldaǵy álem chempıonatyna beriler joldamalar sarapqa salynady. Uıymdastyrýshylardyń aıtýynsha, erteńgi jarys kúnindegi fınaldyq beldesýler aldynda dańqty balýanǵa as berilgeli otyr. Sonymen qatar Sh. Serikov kúresken 60 kelidegi jeńimpazǵa arnaıy syılyq taǵaıyndalǵan.
Shámil Serikov - grek-rım kúresinen 1978 jylǵy Odaq chempıony, sol jylǵy Mehıkoda ótken álem chempıonatynyń altyn júldegeri, 1979 jylǵy Eýropa chempıony, AQSh-tyń San-Dıego qalasyndaǵy dúnıejúzilik dodada eki dúrkin álem chempıony. 1980 jylǵy Jaqsylyq Úshkempirovpen birge Máskeý Olımpıadasynyń chempıony atandy.
Dańqty balýan 1988 jyly qarashanyń 22-de nebári 32 jasynda dúnıeden ozdy.
