Almatyda grek-rım kúresinen el chempıonaty aıaqtaldy
ALMATY. Sáýirdiń 12-ci. QazAqparat /Erlik Erjanuly/ - Keshe Almatyda grek-rım kúresinen eresekter arasyndaǵy Qazaqstan chempıonaty óz máresine jetti,
dep habarlaıdy QazAqparat.
Dostyq sport kesheninde ótken bul dúbirli doda eki kúnge sozyldy. Jarystyń alǵashqy kúni 55, 66, 84 jáne 120 kelide beldesetin 85 balýan saıysqa tústi. Onda óz salmaqtarynda - Ashat Qudaıbergenov (Aqmola oblysy), Eldar Qaıratov (Astana), Alhazýr Ozdıev (Almaty) pen Marǵulan Ásembekov (Almaty oblysy) chempıon atandy. Al keshe 60, 74 jáne 96 kelidegi 60 balýan óz salmaq dárejeleri boıynsha úzdikterdi anyqtady. Tartysty ótken beldesýde Marat Kárishalov (Ońtústik Qazaqstan oblysy), Áset Ádilov (Aqtóbe oblysy), Jasulan Sadyqov (Almaty) altyn medaldiń ıegerleri atandy.
Jarystyń jalpy qorytyndysynda komandalyq esepte aqtóbelikter top jardy (2 altyn, 1 qola). Al úzdik úshtikti Almaty qalasy (2 altyn) men Ońtústik Qazaqstan oblysynyń (1 altyn, 1 kúmis) komandalary túıindedi.
