Almatyda grek-rım kúresinen Dáýlet Turlyhanovtyń júldesi úshin respýblıkalyq týrnır ótedi
ALMATY. 4 mamyr. QazAqparat - Almatyda 5-6 mamyr kúnderi «Dostyq» sport kesheninde grek-rım kúresinen KSRO-nyń eńbek sińirgen sport sheberi, QR Eńbek sińirngen jattyqtyrýshysy Dáýlet Turlyhanovtyń júldesi úshin 1995-1997 jyly týǵan kadetter
arasynda respýblıkalyq týrnır ótedi. Bul baıraqty básekege Azııa jáne Álem chempıonaty qarsańyndaǵy mańyzdy jarys sanalady. Onda ár jyldary top jarǵan sportshylar arasynda Álem chempıonatynyń 2 dúrkin júldegeri, Azııa chempıony Almat Kebispaev pen Azııa oıyndarynyń jeńimpazy Nurmahan Tinálıev bar. Dástúrli túrde jyl saıyn uıymdastyrylatyn bul jarysta byltyr ótken jyly óz salmaq dárejelerinde Aıdos Saqanov, Anarhan Azmaǵambetov, Meırambek Aınaǵulov, Abylaı Káripjanov, Meıir Erzaqov, Abylaıhan Ámzeev, Hýseın Sýtsolgov, Ersaıyn Saıfýllın, Maqsat Turǵanbaı úzdik shyqqan bolatyn.
