Almatyda «Green Bus» jolaýshylar tasymaldaýshysy naryqtan ketti
ALMATY. QazAqparat - Almaty ákimdigi jolaýshylar tasymaldaıtyn «Green Bus» kompanııasymen kelisimshartty merziminen buryn buzdy, dep habarlaıdy QazAqparat tilshisi.
«Qazir kólik reformasy aıasynda eń aldymen, jolaýshylardy tasymaldaý sapasyn jaqsartýǵa mán beriledi. «Green bus» avtobýstary turaqty ıntervaldy eń kóp saqtamaıtyn kompanııa ekeni rastaldy. Bul rette, onyń qalalyq baǵyttardaǵy jalpy úlesi eń kóp. Sondyqtan olarmen kelisimdi buzýǵa májbúr boldyq», - dedi qalalyq Jolaýshylar kóligi jáne avtomobıl joldary basqarmasynan.
Habarlanǵandaı, júrgizilgen aýdıt nátıjesinde kompanııanyń qansha avtobýs jóndeıtini belgili bolady. Avtoparkter Almatyelektrotrans kompanııasyna berilýde. Ákimdik «Green Bus» júrgizýshileri jumyssyz qalmaıtynyna sendirdi.
