Almatyda granatamen ustalǵan jigit sottaldy
ALMATY. QazAqparat - Almatyda arnaıy operatsııa barysynda granatamen ustalǵan Dəýren Əleýhanov sottaldy, dep habarlaıdy QazAqparat tilshisi sot zalynan.
Bostandyq aýdany №2 sotynyń sýdıasy Janat Bekjanov sot úkimin oqydy.
«Dáýren Áleýhanovtyń QR QK 287-babynyń 3-bólimimen qarý, (jarylǵysh zattardy saqtaý, ustaý, tapsyrý, satý, tasymaldaý) 346-babynyń 1-bólimi (kólik júrgizýge quqyǵy joq adamnyń kólikti júrgizýi, araq, esirtki zattaryna mas adamǵa kólikti tapsyrý) boıynsha aıyby tolyq dəleldendi. Eki túrli zańsyz áreket úshin ony 2 jyl 6 aıǵa bas bostandyǵynan aıyrý týraly úkim etemin», -dedi dedi J.Bekjanov.
Sonymen qatar sýdıa ony 3 jylǵa kólik júrgizý quqyǵynan aıyrý týraly úkim shyǵardy.
Munyń aldynda memlekettik aıyptaýshy jigitti 4 jylǵa bas bostandyǵynan aıyrýdy suraǵan bolatyn.
Sońǵy sózinde Dáýren Áleýhanov kólikten tabylǵan granata óziniki emestigin aıtty. Alaıda ol esirtkige mas bolǵanyn, kólikti qujatsyz júrgizgenin moınyna aldy.
Aıta ketý kerek, 2017 jyly 12 qańtarda 23 jastaǵy Dəýren Əleýhanov pen onyń tanysy Marlen Shalabaev 2017 jyly qarashada arnaıy operatsııa barysynda ustalǵan bolatyn.
Keıin Marlen Shalabaev kinási dáleldenbegen soń bosatylǵan edi. Ekeýi Ońtústik Qazaqstan oblysynyń turǵyndary bolyp shyqqan.
Ustalǵandardyń kólikterin tekserý barysynda jaryq-dybystyq avtomat, pyshaq, sondaı-aq, brondy keýdeshe tárkilengen edi. Arnaıy operatsııa kezinde zaqymdalǵan Toyota Land Cruiser 100 kóligi de ustalǵandardyń birine tıesili ekendigi anyqtaldy.
Aldyńǵy sot otyrysynda aǵa leıtenant Aıdos Janserikuly operatsııa qalaı ótkenin aıtyp berdi. Belgili bolǵandaı, polıtsııa kólikti toqtatý úshin 8 ret oq atyp eskertken.
