Almatyda Gorkıı saıabaǵyna salynatyn jataqhana 327 stýdentti baspanamen qamtıdy
Qazirgi ýaqytta Abaı atyndaǵy QazUPÝ-de 13 myńnan astam adam oqıdy, onyń ishinde 10 780 syrttan qatynaıdy. Jalpy 3 myńnan astam stýdent jataqhanaǵa muqtaj.
«Joǵary oqý ornynyń 1397 tósekke arnalǵan 5 jataqhanasy bar. Búgingi kúni onda sanıtarlyq-epıdemıologııalyq normalarǵa sáıkes tek birinshi kýrstyń 814 stýdenti turady» dep habarlady oqý ornynyń baspasóz qyzmeti.
QR Tuńǵysh Prezıdenti – Elbasy N.Nazarbaevtyń Bes áleýmettik bastamasyn júzege asyrý maqsatynda ýnıversıtet 327 orynǵa arnalǵan jataqhana salýdy josparlap otyr.
«Almaty qalasy ákiminiń qaýlysymen ortalyq saıabaqpen shekaralas Medeý aýdanynda ornalasqan Abaı atyndaǵy QazUPÝ jer ýchaskesine jataqhana salýǵa ruqsat berildi. Aıta keteıik, onyń Ǵ.Ormanov kóshesi jaǵynan bólek kireberisi bar. Sondaı-aq, bul jer ýchaskesinde M.Áýezov atyndaǵy stadıon, ýnıversıtettiń oqý korpýstary men áskerı kafedrasy ornalasqan. Jataqhana velotrekten keıingi jer ýchaskesinde boı kóteredi. 2011 jyldan bastap bul jer telimi sport jáne týrızm kolledjiniń balansynan alynyp, Abaı atyndaǵy QazUPÝ balansyna berildi. Mádenıet jáne demalys saıabaǵynyń aýmaǵyna kirmeıdi» dep habarlady joǵary oqý ornynan.
Jataqhana salý úshin barlyq qajetti ruqsat qujattary bar. «Almaty bas jospary «Ǵylymı-zertteý ınstıtýty» JShS-nen kelisim alyndy.
QR Bilim jáne ǵylym mınıstrligi, «Qarjy ortalyǵy» AQ jáne Abaı atyndaǵy QazUPÝ arasynda úshjaqty kelisim jasaldy. Investor jáne merdiger - «Ál Mansýr» JShS.
Aıta keteıik, Gorkıı atyndaǵy ortalyq saıabaqtaǵy qurylysqa qatysty qoǵamdyq tyńdaý 1 naýryz kúni ótedi.
Bıyl Almatyda stýdentterge arnalǵan eki jataqhana salynady. Bul týraly qala ákimi Baqytjan Saǵyntaev Instagram paraqshasynda jazǵan bolatyn.
Sondaı-aq, Parlament Májilisiniń jalpy otyrysynda depýtat Mádı Ahmetov stýdentter jataqhanasyna qatysty birqatar usynys aıtty .
