Almatyda golftan «QR Prezıdentiniń Kýbogy-2015» týrnıri ótedi
ALMATY. QazAqparat- Almatyda ústimizdegi jyldyń 17 qazanynda osymen 16-shy ret golftan «QR Prezıdentiniń Kýbogy-2015» halyqaralyq týrnıri uıymdastyrylady.
Bul týraly búgin Qazaqstannyń golf federatsııasynyń baspasóz qyzmetinen habarlady.
«Nurtaý» golf-klýbynda ótetin jarysqa Qazaqstan, Reseı, Qyrǵyzstan, Ózbekstan jáne Ýkraına elderinen 120 oıynshy qatysady.
Prezıdent Kýbogynda oıyndar «stroýkpleı» (soqqy sany boıynsha) formatynda ótedi. Bul jerde gandıkap eskeriledi. Munda raýndtar qorytyndysy boıynsha eń az soqqy jasaǵan oıynshy jeńimpaz atanady.
Týrnırge qatysýshylar gandıkaptarǵa (golfshynyń oıyndyq qabiletiniń sandyq kórsetkishi) sáıkes úsh topqa bólinedi.
Jeńimpazdar Best Gross dárejesi boıynsha anyqtalady. Olarǵa uıymdastyrýshylar tarapynan estelik kýboktar jáne baǵaly syılyqtar tabys etiledi. Sonymen qatar, týrnırde Longest Drive (eń alystan jasalǵan soqqy) jáne NearesttothePin (uıashyqqa eń jaqyn soqqy) kórsetkishteri boıynsha da golfshylarǵa arnaıy syılyqtar beriledi.
