Almatyda golftan «KAZAKHSTAN OPEN-2010 EUROPEAN CHLLENGE TOUR» altynshy kásibı týrnıri óz jalaýyn kóterdi

dep habarlaıdy QazAqparat.

Atalmysh týrnırge 130-ǵa jýyq oıynshy qatysýda, onyń 100-i Eýropanyń kásibı oıynshylary bolyp tabylady.

«Bul týrnır bizdiń qalamyz úshin joǵary mańyzǵa ıe. Biz eýropanyń eń myqty oıynshylaryn altynshy ret qabyldap otyrǵanymyzǵa qýanyshtymyz», deıdi qala ákimi Ahmetjan Esimov.

European Challenge Tour dırektory Alan de Soýltre oıynshylardyń bul týrnırge qatysý úshin Qazaqstanǵa qýana kelgendikterin aıtady. «Mundaǵy golf-alańdary keremet jaǵdaıda ekendigi kórinip tur. Atalmysh týrnır Eýropada tanymal bola bastady. Ótken týrnırdiń jeńimpazy ıtalııandyq Edoardo Molınarı búgingi kúni naǵyz juldyzǵa aınalyp otyr. Sondyqtan osy týrnır jańa esimderdi shyǵaryp, daryndy ári óte myqty oıynshy jeńimpaz atanatynyna senimdimin», deıdi A.Soýltre.

QR Ulttyq golf federatsııasynyń bas hatshysy Konstantın Lıfanovtyń aıtýynsha, qazirgi tańda elimizdegi golf oıyny qarqyndy damýda. «Jyl saıyn «Nur-Taý» men «Jaılaý» golf-klýbtary men balalar akademııasy músheleriniń sany kóbeıýde", dep atap ótti K.Lıfanov.

Týrnırdiń júlde qory 400 000 eýrony qurap, European Challenge Tour-diń eń iri belesteriniń biri bolyp otyr. Sondaı-aq atalmysh týrnırge qatysý úshin burynnan tanymal tennısshi Evgenıı Kafelnıkov kelip otyr.

"Jaılaý" golf-kýrortynyń jalpy aýmaǵy 82 gektardy quraıtyn 18 alańnan turady. Onyń alańy TMD boıynsha eń jaqsy dep moıyndalyp, álemniń tamasha golf-kýrortarynyń katalogyna engen.