Almatyda golf maýsymynyń jabylýy ótedi
ASTANA. QazAqparat - 26 qazanda Almatydaǵy «Nurtaý» golf-klýbynda golftan 6-13 jas aralyǵyndaǵy balalar arasynda ashyq akademııa kýbogynyń sońǵy kezeńi ótedi, dep habarlaıdy aqparattyq jáne sporttyq HAB.
Bul jarysqa jańa baǵdarlama boıynsha tegin úırenip júrgen balalar qatysa alady. Týrnır Almaty qalasy ákimdigimen birlesip, golftan jańa baǵdarlamaǵa sáıkes aqysyz uıymdastyrylady.
Esterińizge sala ketsek, «Nurtaý» golf-klýbynyń kásipqoı bapkerleri 6-13 jas aralyǵyndaǵy balalar arasynda tegin sheberlik sabaqtaryn kún saıyn dúısenbiden jumaǵa deıin ótkizedi. Ár jetkinshek ózine yńǵaıly ýaqytty tańdap, aptasyna eki márte golfpen shuǵyldanýǵa múmkindik alady. Birinshi toptyń jattyǵýlary tańǵy 8:45-te bastalsa, qalǵan toptar kestede kórsetilgen ýaqyt boıynsha: 10:00, 14:30, 15:45 jáne 17:00-de ótedi.
Atalmysh kýbok saǵat 10:00-de «Nurtaý» golf-klýbynyń mańynda bastalady. Jeńimpazdar men júldegerler medaldarmen marapattalady. Aıta keter jaıt, fınaldyq kezeń qazannyń 11-i kúni ótken bolatyn.
