Almatyda gobelen men qoldan toqylǵan kilemderdiń kórmesi ótýde
ALMATY. Naýryzdyń 4-i. QazAqparat /Ádilet Musahaev/ - Búgin Almatydaǵy QR Ortalyq murajaıynda «Qus bolyp qaıta qalyptasý» atty gobelender men qoldan toqylǵan kilemderdiń kórmesi ashyldy,
dep habarlaıdy QazAqparat.
Kórme avtorlary Dıana Raeva men Merýert Torybaevanyń aıtýynsha, olar óz jumystaryn úı janýarlarynyń júninen ıirilgen jipter men maqta-mata jáne akrıldi qosý arqyly jasaǵan.
«Jartasta beınelengen sýretter, ulttyq oıýlary bar barlyq gobelenderdi qazaq halqynyń ótkenin uǵynýǵa shaqyratyn jalǵyz taqyryp biriktirip tur», deıdi D.Raeva. Al, onyń áriptesi M.Torybaevanyń aıtýynsha, gobelender ár túrli ıntererlerde jaqsy kórinedi, sondaı-aq ınstallıatsııa jáne klassıkalyq kilem retinde de paıdalanýǵa bolady.
Naýryzdyń 18-ne deıin jalǵasatyn kórmede 30-dan astam gobelen men qoldan toqylǵan kilemder qoıylǵan.
