Almatyda gıdravlıkalyq synaq kezinde qubyr jaryldy
ALMATY. QazAqparat - Almatyda gıdravlıkalyq synaq sharasy kezinde jylý qubyry jaryldy, dep habarlaıdy Qazaqparat tilshisi.
«Medeý aýdanyndaǵy Dostyq dańǵyly men Jibek joly kóshesiniń qıylysynda jylý júıelerin gıdravlıkalyq synaý kezinde jerdiń betine ystyq sý shyqty. Ol adam ómiri men densaýlyǵyna qaýip tóndirgen joq»,- dep habarlady «Almaty jylý jelisi» JShS.
Aıta keteıik, jylý jelisi búgin tańǵy saǵat 6-lar shamasynda jaryldy. Onyń temperatýrasy +65 gradýstan asqan joq. Injenerlik-tehnıkalyq jumysshylar jaǵdaıdy der kezinde baqylaýǵa aldy.
«Jarylǵan qubyrdyń dıametri 200 mm. Tozyǵy jetken qubyr 1988 jyly tóselgen. Qazir mamandar isten shyqqan jylý jelisin aýystyryp jatyr»,- dep atap ótti kompanııadaǵylar.
Buǵan deıin «Almaty jylý jelisi» kəsiporny qaladaǵy qubyrlardyń gıdravlıkalyq synaqqa alynatynyn habarlaǵan bolatyn. https://www.kazinform.kz/kz/almatylyktarga-zhylu-zhelileri-ornalaskan-zherlerge-kolik-koymauga-kenes-berildi_a3830196
Gıdravlıkalyq synaq qalalyq jylý keshenin aldaǵy jylytý maýsymyna daıyndaý aıasynda jylý jelileriniń jaǵdaıyn baǵalaý jáne qubyrlardyń problemalyq ýchaskelerin anyqtaý úshin júrgiziledi.
