Almatyda geroın satyp júrgen Tájikstan azamaty ustaldy
Qalalyq PD baspasóz qyzmetiniń aqparatyna sáıkes, geroın satqan 46 jastaǵy er adam polıtsııanyń kúdigine birden ilingen.
Quqyq qorǵaýshylar onyń sońynan ańdyp otyryp kelesi dozany satqan kezinde qolǵa túsirgen.
«Aınabulaq» yqshamaýdanynda jerlesterimen birge turatyn 49 jastaǵy Tájikstan azamaty negizgi jetkizýshi boldy. Ol «taýardy» dozada jáne grammen býyp satqan. Kúdiktini «Lada» kóliginde ustaǵan kezde oryndyqtyń astynan qońyrqaı tústi zat salynǵan plastık oram tabyldy. Sot-hımııalyq saraptama qorytyndysyna sáıkes, jınaqtalǵan zattyń jalpy salmaǵy 109,06 gramm bolatyn geroın ekeni anyqtaldy. Onyń páterin tintý kezinde salmaǵy 24,64 gramm taǵy eki paket tabyldy», - dedi polıtsııa departamentiniń baspasóz qyzmetinen.
Kúdiktiler Almaty qalasynyń ýaqytsha ustaý ızolıatoryna qamaldy.
«Olar QR Qylmystyq kodeksiniń 297-baby boıynsha zań aldynda jaýap beredi. Sondaı-aq bul úıde kóshi-qon zańnamasyn óreskel buzǵan taǵy úsh Tájikstan azamaty ustaldy», – dedi Almaty qalalyq PD Esirtki bıznesine qarsy kúres basqarmasynyń basshysy Erlan Almaǵambetov.