Almatyda Germanııanyń Qazaqstandaǵy jyly aıasynda tuńǵysh ret "Altyn dala- Zolotaıa step" atty fotokórme ashyldy
ALMATY. Sáýirdiń 29-y. QazAqparat /Názıra Eleýhan/ - Búgin Almatydaǵy QR Memlekettik Ortalyq murajaıynda Germanııanyń Qazaqstandaǵy jyly aıasynda tuńǵysh ret "Altyn dala- Zolotaıa step" atty fotokórme ashyldy,
dep habarlaıdy QazAqparat.
Atalmysh kórmeniń uıymdastyrýshylary - Qazaqstan bıoártúrliligin saqtaý qaýymdastyǵy (QBSQ) respýblıkalyq qoǵamdyq birlestigi men Úkimettik emes tabıǵat qorǵaý uıymy.
Kórmege tabıǵatty qorǵaý men saqtaý jónindegi zertteýler men ǵylymı jumystar, erekshe qorǵaýdaǵy tabıǵat aımaqtary jáne ań sharýashylyǵy týraly málimetter, janýarlar álemin qorǵaý jónindegi monıtorıngter, brakonerlermen kúres, sonymen qatar ulttyq jáne halyqaralyq tabıǵat uıymdarynyń seriktestigi týraly baıandaıtyn 10 aqparattyq taqtalar men beınerolıkter jáne fotosýretter qoıylǵan.
«Men úshin búgingi kórmeni ashý úlken qurmet. Óıtkeni, bul shara basqa sharalarǵa qaraǵanda erekshe. Kórme - Germanııanyń Qazaqstandaǵy jyly aıasynda ótip jatqan birden bir ekologııalyq shara. Búginde dalalyq jáne jartylaı shóleıtti ekojúıeler jáne ondaǵy keremet bıoalýandar búgingi kúni adam tarapynan erekshe qorǵaýdy jáne qalpyna keltirýdi qajet etedi. Bul istiń bári bizdiń bolashaǵymyz úshin qajet. Bul oraıda, "Altyn dala- Zolotaıa step" jobasy 5 jyl boıy úlken jetistikpen iske asyp kele jatqanyn jáne germanııalyq ekologııalyq uıymdar men Zoologııalyq qoǵamdardyń bul ıgi iske qatysyp, atsalysyp kele jatqandyǵyn atap ótkim keledi. Búgingi kórme jerimizdiń baǵa jetpes baılyǵy sanalatyn tabıǵatty kózdiń qarashyǵyndaı saqtaýǵa, aıyryqsha jaýapkershilikpen qaraýǵa degen sezimderin oıatar degen úmittemin», dedi Germanııa Federatıvti Respýblıkasynyń Almatydaǵy Bas konsýlynyń orynbasary ıÝrgen Pommer.
«Buǵan deıin kórme Astana qalasynda ótti. Aldaǵy ýaqytta bul kórmeni Qazaqstannyń barlyq qalalarynda ótkizýdi josparlap otyrmyz», dedi kórmeniń uıymdastyrýshylary.
Kórme mamyrdyń 20-na deıin jalǵasady.
