Almatyda general Baǵdat Maıkeevtiń isi boıynsha basty sot talqylaýy ótip jatyr
ALMATY. QazAqparat - Almatyda búgin QR Qorǵanys mınıstriniń burynǵy orynbasary, general Baǵdat Maıkeevtiń isi boıynsha kezekti sot talqylaýy ótýde.
Aıyptalýshylardan, kýágerlerden suraq-jaýap alynyp jatyr.
Sýdıanyń suraǵyna QR Qarýly kúshterin materıaldy tehnıkalyq qamtý jónindegi bas basqarmanyń basshysy Edil Orazov kýáger retinde jaýap berdi.
Aıta keterligi, bul is boıynsha generaldan basqa taǵy da úsh adam aıyptalyp otyr. Áskerı mekeme uıymdastyrǵan tenderlik baıqaýlarǵa qatysqan kompanııalardyń basshylary - A.Spıtsyn, A.Qaıyrbaev, P.Tıtorenko QR QK 312 babynyń 5 tarmaǵy: «Memlekettik fýnktsııalardy atqarýǵa ýákiletti adamǵa ne oǵan teńestirilgen adamǵa tikeleı nemese deldal arqyly para berý, laýazymdy adamǵa para berý, sol sııaqty kórineý zańsyz is-áreket (áreketsizdik) jasaǵany úshin para berý, jaýapty memlekettik laýazym atqaratyn adamǵa para berý» boıynsha aıyptalyp otyr.
Esterińizge sala keteıik, general Baǵdat Maıkeevti 9 aqpanda Astanada UQK qyzmetkerleri ustaǵan bolatyn. Ol asa iri kólemde para aldy dep aıyptalýda.
