Almatyda genderlik teńdik týraly respýblıkalyq konferentsııa ótip jatyr
ALMATY. 5 jeltoqsan. QazAqparat - Almatyda Genderlik teńdik jolynda áıelderge qatysty kemsitýdi joıý týraly respýblıkalyq konferentsııa óz jumysyn bastady.
Jıyndy QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen Qazaq memlekettik qyzdar pedagogıkalyq ýnıversıteti jáne «Qazaqstannyń isker áıelder qaýymdastyǵy» respýblıkalyq qoǵamdyq uıymy birlesip uıymdastyryp otyr. Oǵan úkimettik emes uıymdar, halyqaralyq uıymdar men memlekettik qurylym ókilderi, genderlik saıasat jónindegi sarapshylar jáne ǵalymdar qatysýda. Shaqyrylǵan qonaqtar arasynda Ulttyq komıssııanyń múshesi Shyǵys Eýropa jáne Ortalyq Azııa elderindegi BUU Áıelder baǵdarlamasynyń sýbaımaqtyq keńsesiniń dırektory Damıra Sartbaeva, QR Ortalyq saılaý komıssııasynyń múshesi Lıazzat Súleımen, «Nur Otan» partııasy ortalyq apparaty jetekshisiniń orynbasary Ásel Júnisova, «Ekomed» klınıkasynyń jetekshisi Saltanat Baıqoshqarova, «Qurbylar» kúızelis ortalyǵynyń dırektory Nadejda Gladyr, «Damý» kásipkerlikti damytý qorynyń» basqarma tóraıymy Lıazzat Ibragımova, «Shyraq» áıelder múgedektigi qaýymdastyǵynyń tóraıymyLıazzat Qaltaeva, Fılosofııa jáne saıasattaný ınstıtýtynyń dırektory Zarema Shaýkenovabar.
