Almatyda genderlik saıasat salasyndaǵy zańdardy jetildirý máseleleri talqylanýda
ALMATY. Mamyrdyń 19-y. QazAqparat /Erbol Azanbek/ - Almatyda «Erler men áıelderdiń teń quqyqtary men teń múmkindikteriniń memlekettik kepilderi týraly» QR Zańyn iske asyrý tetikteri» taqyrybynda «dóńgelek ústel» ótip jatyr,
dep habarlaıdy QazAqparat.
Sharany QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa men BUU Damý baǵdarlamasy «Ulttyq komıssııany Qazaqstan Respýblıkasynda genderlik teńdikti qamtamasyz etý sharalaryn jetildirý boıynsha qoldaý» atty birlesken jobasy aıasynda uıymdastyrǵan.
QR Prezıdenti janyndaǵy áıelder isi jáne otbasylyq-demografııalyq saıasat jónindegi ultyq komıssııa hatshylyǵynyń meńgerýshisi Serik Ahmetovtiń aıtýynsha, basqosý «Elimizde genderlik teńdikke qol jetkizý jónindegi ulttyq mehanızmdi qalyptastyrý jóninde usynymdar» men «Genderlik teńdikke qol jetkizý jónindegi ulttyq mehanızmniń jumys isteý máseleleri boıynsha memlekettik organdarǵa arnalǵan nusqaýlyqty» talqylaý, sondaı-aq qujattardy odan ári óńdeý boıynsha usynymdar ázirleý maqsatynda ótkizilýde.
«Bul qos zań ótken jyly jeltoqsan aıynyń 8-i kúni qabyldandy. Bul zańdar tıimdi jumys isteý úshin usynystar men talqylaýlar qajet. Sondyqtan búgin sarapshylardyń basyn qosyp, alǵashqy otyrysty ótkizýdi jón kórdik», deıdi S.Ahmetov. Otyrysqa elimizdiń ár aımaǵynan 50-ge jýyq sarapshylar qatysýda. Alqaly jıyn jumysynyń nátıjesinde olardyń usynystary qoldanystaǵy genderlik teńdik jónindegi halyqaralyq normalar men ulttyq zańnamany jetildirý úshin quzyrly organdarǵa jiberilmek.
