Almatyda gazǵa kóshirilgen qazandyqtar 45 mln teńge únemdeýge múmkindik beredi
ALMATY. QazAqparat - Almatyda Medeý jáne Túrksib aýdandaryndaǵy eki jeke qazandyq gazben jylytý júıesine kóshti. Bul jylý júıesine bólinetin qarjynyń 45 mln teńgesin únemdeýge kómektesedi, dep habarlaıdy QazAqparat tilshisi.
Bul týraly qalalyq Energetıka jáne kommýnaldy sharýashylyq basqarmasy habarlady.
«Spasskaıa» qazandyǵy men «Kamenskoe plato» shıpajaıynyń qazandyǵyn gazǵa kóshirýden shamamen 45 mln teńge kóleminde qarjy únemdeýge bolady», - dedi «Almatyteplokommýnenergo» JShS bas dırektorynyń mindetin atqarýshy Súıindik Ahmetov.
Naqtyraq aıtqanda, Túrksib aýdanyndaǵy 5-qabatty toǵyz úıdi jylýmen, ystyq sýmen qamtyp otyrǵan «Spasskaıa» qazandyǵy 38,6 mln teńge, «Kamenskoe plato» qazandyǵy 5,8 mln teńge únemdese, eki nysannyń qorshaǵan ortaǵa keltiretin zııandy zattarynyń kólemi 2 esege azaıady.
Súıindik Ahmetovtiń aıtýynsha, tabıǵı gazdy paıdalaný arqyly shyǵarylatyn jylý energııasynyń qunyn tómendetýge bolady. Sondaı-aq, dızel men mazýt sııaqty ony tasymaldaý úshin kólik jaldaýdyń qajettiligi joq.
Ásirese taýly aımaqta ornalasqan «Kamenskoe plato» shıpajaıyna qysta mazýt jetkizý óte qıyn bolatyn.
Nysandardy qaıta jóndeýden ótkizý úshin bıýdjetten 24,5 mln teńge jumsalǵan bolatyn.
