Almatyda «Gazel» joǵary jyldamdyqta júk kóligine soǵyldy
ALMATY. QazAqparat – Almatyda jol-kólik apaty saldarynan júrgizýshilerdiń biri jaraqat aldy, dep habarlaıdy QazAqparat tilshisi.
Kólik apaty Jetisý aýdanynda Bókeıhanov kóshesi men Rysqulov dańǵyly qıylysyndaǵy kópirde boldy. «Gazel» kóliginiń júrgizýshisi júk kóligine joǵary jyldamdyqpen kelip soǵylǵan.
Onyń vıdeosy áleýmettik jelilerde tarady.
«Apat saldarynan «Gazel» júrgizýshisi eki aıaǵynan jaraqat alyp, aýrýhanaǵa jetkizildi. Zardap shekken ózge adamdar joq. Qazirgi ýaqytta bul fakti Jetisý aýdandyq polıtsııa basqarmasynyń ákimshilik-tájirıbelik bólimine jiberildi. «Gazel» júrgizýshisi alǵan jaraqattardyń aýyrlyǵyn anyqtaý úshin sot-medıtsınalyq saraptama taǵaıyndalady»,– dep habarlady polıtsııa departamentinen.
