Almatyda gazben júretin 200 jańa avtobýs satyp alynady
ALMATY. QazAqparat - Almatyda tasymaldaýshy kompanııa gazben júretin 200 jańa avtobýs satyp almaq, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
Mundaı aqparat memlekettik satyp alý portalynda jarııalanǵan.
«Tehnıkalyq sıpatyna oraı, avtobýstardyń syıymdylyǵy úlken, edenderi tómen, kondıtsıonerlermen, vıdeo baqylaý kameralarymen, múmkindigi shekteýli jandar úshin pandýstarmen jabdyqtalýy jáne Evro-5 ekologııalyq standartyna saı bolýy tıis», - dedi habarlamada.
Jalpy, qalada kólikti reformalaý aıasynda 2018 jyly túrli baǵyttar boıynsha 479 jańa avtobýstar júre bastady. BRT jelisindegi aıaldamalarda alǵashqy elektrondy tablolar paıda boldy, olarda qoǵamdyq kóliktiń nómiri, baǵyty jáne aıaldamaǵa qashan keletini týraly aktýaldy aqparattar kórinis tapty.
Qazir Jeltoqsan - Tóle bı - Shyǵys aınalma joly - Qulja traktin qamtıtyn uzyndyǵy 13,2 shaqyrym bolatyn jeliniń ekinshi kezeginiń jobalyq-smetalyq qujattary jasalyp jatyr.
Qoǵamdyq kólikte qyzmet kórsetý sapasyn arttyrý maqsatynda júrgizýshiler biliktilik Ortalyǵynda bilimderin jetildirýde. Sonymen qatar, avtoparkter júrgizýshiler úshin biryńǵaı forma aldy.
