Almatyda gazben jumys isteıtin JES qurylysy osy jazda bastalady
ALMATY. QazAqparat - Bıyl JEO-2 jańa gaz stantsııasyn jobalaý jáne salý boıynsha merdiger aıqyndalatyn bolady. Bul týraly búgin «Samuryq-Energo» basshysy Serik Túıtebaev «Samuryq-Qazyna» qory qoǵamdyq keńesiniń otyrysynda aıtty, dep habarlaıdy QazAqparat tilshisi.
Elektr energetıkalyq holdıng basshysynyń aıtýynsha, ashyq halyqaralyq tenderdiń birinshi kezeńi barysynda 6 ótinim kelip tústi. Onyń ishinde ekinshi, qorytyndy kezeńge 2 kompanııa ótti.
«Tenderdiń jeńimpazy osy jyldyń ekinshi toqsanynda anyqtalady. Qurylys-montajdaý jumystarynyń bastalýy 2023 jyldyń tamyzyna boljanyp otyr»,- dedi ol.
Buǵan deıin Almatydaǵy JEO-2-ni gazǵa aýystyrý úshin 324 mlrd teńge jumsalatyny týraly jazǵan edik.
Almatynyń 2-shi jylý elektr ortalyǵyn tolyq gazǵa kóshirý jumystary 2026 jyly aıaqtalady.
