Almatyda gaz toltyrý pýnktteri men avtogaz quıý stantsııalary tekserilip jatyr
Ádil Qatýbaev atap ótkendeı, olardyń vedomstvosy gaz toltyrý pýnktterin, suıytylǵan munaı gazynyń avtogaz quıý stantsııalaryn jáne basqa da kóptegen nysandardy paıdalanatyn gaz jelisi uıymdarynyń obektilerin gaz jáne gazben jabdyqtaý salasynda memlekettik baqylaýdy júzege asyrady.
Spıkerdiń aıtýynsha, mamandar gaz jabdyqtaryn paıdalaný erejelerin buzýshylardy jazalamaqshy.
«Naýryz aıynyń basynan bastap bizdiń qyzmetkerler jergilikti polıtsııa qyzmetimen, TJD, turǵyn úı saıasaty basqarmasymen birlesip gaz ballondaryn paıdalanatyn bazarlardy, SOO, qoǵamdyq tamaqtaný oryndaryn tekserýge qatysty. Zań buzýshylyqtar anyqtalǵan jaǵdaıda tutynýshylarmen túsindirý jumystary júrgizildi», - dedi Ónerkásiptik qaýipsizdik komıteti departamenti basshysynyń orynbasary.
Ádil Qatýbaev eki qabattan astam turǵyn úılerdiń páterlerine turmystyq ballondardy ornalastyrýǵa jáne paıdalanýǵa tyıym salynatynyn, sondaı-aq avtogaz quıý stantsııalarynda avtokólikte paıdalanýǵa arnalmaǵan ballondardy toltyrýǵa qatań tyıym salynǵanyn eske saldy.
Spıker ballondardy AGQS-ta toltyrýǵa tyıym salynǵanyn, sebebi onda salmaqtyq baqylaý joq ekenin aıtty. Ballondar tolyp ketedi. Al ballondardy jyly úı-jaıǵa ornalastyrǵan kezde gaz ulǵaıady, bul ballondardyń jarylýyna ákeledi.
