Almatyda gaz qubyry otqa orandy
ALMATY. QazAqparat – Almatyda gaz qubyry órtendi. Oqys oqıǵa Medeý men Talǵar aýdanynyń qıylysqan jerinde Talǵar tas jolynda bolǵan, dep habarlaıdy QazAqparat tilshisi.
Magným saýda ortalyǵyna qarama-qarsy tusta dıametri 325 mm bolatyn jerasty gaz qubyry lapyldap jana bastaǵan.
Qalalyq TJD baspasóz qyzmeti habarlaǵandaı, qalalyq gaz qyzmeti jedel áreket etip, gaz qysymy buramalaryn burap úlgerdi.
Alaıda qubyrda qalǵan gaz janyp ketýi tıis boldy. Bul protses qalalyq Órtke qarsy qyzmet ókilderiniń baqylaýynda júrgizildi.
Tótenshe jaǵdaıda eshkim japa shekken joq.
Mamandardyń aıtýynsha, gaz qubyrynda flıanetstiń qosylǵan jerine aýa kirip ketken.
Quzyrly organ ókilderi apattyń saldaryn joıýǵa kiristi.
