Almatyda gaz ballonynyń jarylýy saldarynan 2 adam zardap shekti
ALMATY. QazAqparat - Almatyda Jetisý aýdanyndaǵy 16 páterlik úıde gaz ballonynyń jarylýy oryn alyp, bir er adam men áıel adam japa shekti. Bul týraly QR TJM baspasóz qyzmeti habarlady.
Oqys oqıǵa saldarynan zardap shekken eki adam túrli dárejedegi kúıik jaraqatymen aýrýhanaǵa jetkizildi.
Baspasóz qyzmetiniń málimdeýinshe, tótenshe jaǵdaı bolǵan jerde órttiń tutanýy tirkelmegen. Oqıǵa ornyna tótenshe jaǵdaıdy aýyzdyqtaý úshin QR TJM Almaty qalalyq TJD órt sóndirý qyzmetiniń 10 jeke quram qyzmetshisi men 3 birlik tehnıkasy jumyldyryldy.
