Almatyda gaz ballony qoımasynan órt shyqty
ALMATY. QazAqparat –Almatydaǵy Jetisý aýdanynda ornalasqan gaz ballony qoımasynan órt shyqty, dep habarlaıdy QazAqparat tilshisi.
Almaty qalalyq Tótenshe jaǵdaı departamentiniń habarlaýynsha, 2020 jyldyń 1 mamyrynda saǵat 14:32 –de Almaty qalalyq Tótenshe jaǵdaılar departamentiniń «101» pýltine Jetisý aýdany, Ratýshnogo kóshesi, 78 «B» mekenjaıynda qoıma órtenip jatqany týraly habar tústi. Órt sóndirýshiler qazir oqıǵa ornynda.
«Oqıǵa ornyna órt sóndirýshiler saǵat 14:44- te jetti. «LT» JShS aýmaǵyndaǵy gaz qoımasy men gaz taratý stantsııasy janyp jatyr eken. Qoımada 50 jáne 25 lıtrli gaz ballondary saqtalǵan. Birneshe ret jarylys boldy. Shuǵyl árekettiń arqasynda órttiń shamamen syıymdylyǵy 100 tekshe metr bolatyn gaz tsısternasy men jaqyn mańdaǵy turǵyn úı sektoryna órshýine jol berilgen joq»,– dedi Tótenshe jaǵdaılar departamentiniń Azamattyq qorǵanys basqarmasynyń maıory Denıs ıArtsev.
Qyzyl jalyn oqshaýlandy.
Órt 150 sharshy metr jerdi sharpyǵan.
