Almatyda gaz ballon jarylyp, eki bala jaraqat aldy
NUR-SULTAN. QazAqparat - Ótken aptada Almatyda - 5, Almaty oblysynda 2 jarylys oqıǵasy boldy. Bul týraly búgin QR ІІM Tótenshe jaǵdaılar komıtetinde ótken brıfıngte vedomstvo tóraǵasy Vladımır Bekker aıtty, dep habarlaıdy QazAqparat tilshisi.
«Bizdiń bólimsheler polıtsııa qyzmeti, jergilikti atqarý organdary jáne eriktiler uıymdarymen birigip, 72 myń turǵyn úıdi tekserip shyqty. Nátıjesinde 131 482 adamǵa qaýipsizdik erejelerin saqtaý týraly túsindirildi», - dedi ol.
Onyń aıtýynsha, qolǵa alynǵan jumystar jer úılerdegi órt oqıǵalaryn aldyńǵy aptamen salystyrǵanda 35% azaıtýǵa múmkindik bergen.
«Ótken aptada Almatyda - 5, Almaty oblysynda 2 jarylys jaǵdaıy tirkeldi. Almaty qalasyndaǵy oqıǵalardyń tórteýi gaz qurylǵysyn ornatý erejeleriniń, taǵy biri ot jaǵatyn peshti iske qosý talaptarynyń saqtalmaýynan boldy», - deıdi ol.
V.Bekkerdiń málimetinshe, 15 qarasha kúni Almaty qalasyndaǵy jer úıde gaz ballony jarylyp, bir jáne úsh jasar eki bala aýrýhanaǵa jetkizildi.
«Balalar birinshi, ekinshi dárejeli kúıik jaraqattaryn alǵan. Olardyń bet-júzi men aıaqtarynyń 15-20% kúıip qalǵan», - dedi TJK basshysy.
