Almatyda ǵasyr jasaǵan eki qartqa qurmet kórsetildi
ALMATY. Qazannyń 1-i. QazAqparat /Erbol Turymbetov/ - Búgin Almaty qalasy Alataý aýdany ákimi Baǵdat Mánizorov qarııalar kúni merekesine oraı aýdandaǵy 100 jasaǵan 2 qart anany quttyqtady.
Onyń biri Báten Minisova, 1910 jylǵy naýryzdyń 8-de dúnıege kelgen. Ómirge ákelgen 7 balasynan 27 nemere, 35 shóbere súıip otyrǵan baqytty Báten apa taǵdyryna razy. Ekinshisi Klavdııa Chývasheva - 100 jasaǵan qart ana óz ómirinde UOS-ǵa qatysyp, tyl eńbekkeri atanǵan.
Ǵasyr jasap otyrǵan qart analardy aýdan ákimi úıine arnaıy baryp quttyqtap, baǵaly syılyqtar tabystady.
Jalpy, Alataý aýdany boıynsha 90 men 100 jas aralyǵynda jalpy sany 70 adam tirkelgen bolsa, onyń ekeýi 100 jasta. 100 jasaǵan taǵy bir úshinshi qart jaqynda ǵana dúnıe salǵan.
