Almatyda «Ǵasyr sanasy: ontologııa, din, mádenıet» dep atalatyn halyqaralyq k konferentsııa ótýde

Búgin Almatyda ótip jatqan «Ǵasyr sanasy: ontologııa, din, mádenıet» dep atalatyn halyqaralyq ǵylymı-tájirıbelik konferentsııada osylaı aıtyldy.

«Qazirgi ýaqytta mádenıet pen bilim, rýhanılyq máseleleriniń ózektiligi artyp otyr. Bolashaqta adamnyń negizgi qasıetteri men kelbeti mádenıetter men órkenıetter jáne túrli konfessııalar arasyndaǵy qarym-qatynastar arqyly anyqtalmaq. Din men mádenıet, fılosofııa men rýhanılyq, qoǵam ómirindegi rýhanı kelisimniń ornyǵýyna qyzmet etýi kerek», - dedi QR Mádenıet mınıstrliginiń Dinı ister jónindegi komıtetiniń tóraǵasy Ardaq Dosjan konferentsııaǵa qatysýshylarǵa joldaǵan quttyqtaý hatynda.

Ál-Farabı atyndaǵy Qazaq ulttyq ýnıversıtetiniń Fılosofııa jáne saıasattaný fakýltetiniń dekany Aqtolqyn Qulsarıevanyń aıtýynsha, «Beıbitshilik pen jasampazdyqtyń 20 jyly» degen aıdarmen ótip jatqan bul shara fılosofııa ǵylymynyń doktory, professor Muhammedııar Serikbekuly Orynbekovtyń 65 jyldyǵyna arnalyp otyr. Aqtyq demi bitkenshe ǵylym jolynan aınymaǵan ustaz-ǵalymnyń ǵylymı zertteýleri qazaq fılosofııalyq oıynyń qalyptasýy men damýynyń tarıhı-áleýmettik jáne dinı-rýhanı alǵysharttaryn anyqtaýǵa baǵyttaldy. M.Serikbekuly qazaq fılosofııasynyń máni men mazmunyn ótken ǵasyrlardyń muralaryn, etnomádenı dástúrlerdi, dinı nanymdardy jáne dúnıetanymdyq ustanymdardy taldaı otyryp aıqyndaıdy.

«Ol fakýltettiń fılosofııa jáne ǵylym ádistemesi kafedrasyn basqarǵan jyldary «Dintaný» mamandyǵynyń ashylýyna jáne dintanýlyq bilim berýdiń qalypasýyna zor yqpal etti. Atalǵan mamandyq boıynsha bilim berýdiń memlekettik standarttaryn, tıptik baǵdarlamalaryn, bakalavrıat, magıstratýra bólimderiniń oqý-ádistemelik ádebıetterin daıyndaýǵa jetekshilik jasady», - deıdi Ǵylym fılosofııasy jáne dintaný kafedrasynyń meńgerýshisi Naǵıma Baıtenova.