Almatyda ǵashyqtar ınternet arqyly nekelesti
TANA. 12 qyrkúıek. QazAqparat - Búgin Almaty qalasynda ınternet arqyly neke rásimin tirkeý týraly ótinish túsirgen tuńǵysh qazaqstandyq jup nekege turdy, dep habarlaıdy QR Baılanys jáne aqparat mınıstrliginiń baspasóz qyzmeti.
«Jas otaý» saraıynda ótken ózgeshe toıdyń ıelerin quttyqtaýǵa jáne ǵashyqtardyń qýanyshtarymen bólisýge qazaqstandyq estrada, kıno jáne televızııa juldyzdary keldi. Eske sala keteıik, Qazaqstan azamattary ǵalamshardyń kez kelgen núktesinde turyp, neke rásimin tirkeý týraly ótinishti www.egov.kz úkimet portaly arqyly bere alady. Basty talap - jastarda elektrondyq-sandyq qoltańbanyń bolýy.
Atalǵan qyzmetti qoldanǵan alǵashqy 50 jup qazaqstandyq juldyzdardyń quttyqtaýlary jazylǵan beınetaspa alady.
