Almatyda ǵaryshtyq júıeler týraly semınar ótip jatyr

dep habarlaıdy QazAqparat.

Basqosýdy QR Ulttyq ǵarysh agenttigi men Qazaqtyń ál-Farabı atyndaǵy ulttyq ýnıversıteti ótkizýde. Oǵan Qazaqstannyń jetekshi joǵary oqý oryndarynyń ǵalymdary men "Qazaq ǵarysh sapary" ulttyq kompanııasy" AQ-nyń, "Ǵaryshtyq baılanys jáne radıoelektronıkalyq quraldardyń elektromagnıttik úılesimdiligi respýblıkalyq ortalyǵy" AQ-nyń, "Báıterek" Qazaqstan-Reseı birikken kásiporny, "Ǵaryshtyq zertteýler men tehnologııalar ulttyq ortalyǵy" AQ-nyń qyzmetkerleri qatysýda. QazUÝ-diń ǵylym jónindegi prorektory Nurlan Temirbekovtiń aıtýynsha, semınarda - Ǵaryshtyq apparattardy qoldanýǵa engizý jáne synaý kezindegi gıbrıdti jobalaý; Ǵaryshtyq apparattardy qoldanýǵa engizý jáne ǵylymı zertteýlerdiń nátıjelerin qoldanbaly jumsaýdyń kúrdeli tustary; Jerdi qashyqtan baqylaý málimetterin taratý naryǵyn damytý maqsatyndaǵy ǵylymı-tehnıkalyq áriptestiktiń baǵyty; Qaıta oralmaly satyly orta synypty ekologııalyq qaýipsiz zymyran-tasymaldaýshysy bar ǵaryshtyq zymyran keshenin ázirleý máseleleri talqylanady.