Almatyda «Ǵarysh álemine - 50 jyl» atty kórme ashyldy

Atalmysh kórme adamzattyń alǵash ǵarysh kemesimen ǵaryshqa qonǵanyna 50 jyl tolýyna oraı ashylyp otyr.

Kórmede adamzattyń ǵarysh keńistigin ıgerý tarıhyna erekshe mán berilgen. Onda «Ǵaryshtyq zertteýler jáne tehnologııalar Ulttyq ortalyǵy», «QR Taǵamtaný ınstıtýty», № 48 «Ǵarysh» lıtseıiniń jáne № 23 mekteptiń 9-shy synyp oqýshysy Álibek Balahmetovtyń jeke jınaq qorlarynan alynǵan jáne Almaty qalasy tarıhynyń murajaıy qoryndaǵy biregeı jádigerler qoıylǵan.

Atap aıtsaq, jarty ǵasyrdan astam tarıhy bar Baıqońyr ǵarysh aılaǵynan syr shertetin fotosýretter men zymyran tasymaldaýshy qurylǵy bólikteri, ǵaryshtyq taǵam túrleri, qyzyqty kitaptar, ǵaryshkerlerdiń sýretteri, sondaı-aq eski tıyndar men ǵarysh keńistiginiń 50 jyldyǵyna arnap shyǵarylǵan tıyn túrleri kórmeden oryn aldy. Іs-shara barysynda ǵarysh taqyrybyna arnalǵan derekti fılm kórsetildi.

Kórme qonaqtary retinde Ǵaryshtyq zertteýler jáne tehnologııalar Ulttyq ortalyǵynyń mamandary men № 35 gımnazııa oqýshylary qatysty.

Eń alǵash Baıqońyrdan 1961 jyly 12 sáýirde tuńǵysh ret ıÝ.Gagarın «Vostok» ǵarysh kemesimen ǵaryshqa attanǵan. Odan keıin ǵarysh keńistigin ıgerýde kóptegen jańashyl bastamalar oryndaldy. «Vostok», «Voshod», «Soıýz», «Mır» t.b. jasandy serikteri ushyryldy.

Elimiz táýelsizdik alǵannan keıin 1991 jyly 2 qazanda tuńǵysh ret qazaq ǵaryshkeri Toqtar Áýbákirov «Soıýz T-13» ǵarysh kemesimen Baıqońyrdan ǵaryshqa kóterildi. Sonymen qatar, Reseımen birlesken baǵdarlama boıynsha taǵy bir qazaq ǵaryshkeri Talǵat Musabaev ǵaryshta 1994 jáne 1998 jyldary 2 ret boldy.