Almatyda garajdar órtenip jatyr

ALMATY. QazAqparat - Almatyda garajdar órtenip jatyr. Shuǵyl habarlamany qalalyq Tótenshe jaǵdaılar departamentiniń baspasóz qyzmeti jetkizdi, dep habarlaıdy QazAqparat tilshisi.

Qalalyq Tótenshe jaǵdaılar departamentiniń málimetinshe, Bostandyq aýdany, Radostovtsev kóshesi, 409-úıi mańynda jalpy aýdany 50 sharshy metr bolatyn eki garajdyń órtenip jatqany týraly habarlama keshki saǵat 18:22-de kelip túsken. «Oqıǵa ornynda jeke quramnyń 28 adamy men 5 birlik tehnıka jumys istep jatyr. Qaza bolǵandar men zardap shekkender týraly aqparat túsken joq», - delingen vedomstvo habarlamasynda.

Buǵan deıin Astanada parkıngtegi órtten 3 adam aýrýhanaǵa túsip, 6 kólik janyp ketkeni týraly jazǵan edik.